Número total de visualizações de página

quinta-feira, agosto 31, 2006

Arxentina

Eu nunca estiven na Arxentina. Os meus pais tampouco. Nin os meus avós. O meu bisavó Andrés, si. Anos de fogoneiro nun barco de vapor no Río da Plata. Eu non o coñecín, morreu nos anos 50, pero é coma se o coñecera, coma se as historias que lle contaba á miña nai de nena mas contara a min. Andrés, pequeno e miúdo, longos bigotes roxos e ollos azuis, coma a miña avoa que lle herdou tantas cousas.
El sempre quixo ir para a Arxentina, a terra da abundancia, do trigo, da carne. "É unha terra tan boa que dá tres colleitas ao ano". Tiña un curmán no Chaco, moi ben situado, cada vez que o ía visitar mataba un carneiro. Animábao moito para que se establecera alí: "Vente, Andrés, vente, ben ves que esto é rico, aquí progresas sen dificultades". Pero Josefa non se lle quixo mover da súa terra e ningún dos seus fabulosos relatos a fixo cambiar de opinión. A súa imaxinación debía ter límites, mais a da miña nai nena non. "No Chaco, cando hai tronada, parece que se xunta o ceo coa terra", seique contaba, e ela víao perfectamente. A min contoumo a miña nai e eu créollo.
O meu bisavó trouxo unhas poucas marabillas da Arxentina: unha pitilleira de corno cunha ave do paraíso en relevo, que se gardaba nun caixón do chineiro; un lindo vestidiño de encaixe para a miña avoa pequeniña, xa moi amarelento, na hucha; e, sobre todo, dúas estampas que fixo enmarcar para colgar nas paredes da sala de arriba e que se paraba a mirar embelesado todas as noites antes de se deitar.

5 comentários:

torredebabel disse...

moito tempo pasou daquela, pero se ves algunha vez á Arxentina poderás ver que o teu bisavó Andrés tiña razón: en Chaco e en moitos outros lugares deste rico e enorme pais "cando hai tronada, parece que se xunta o ceo coa terra". E moitas outras marabillas, propias dunha terra máxica coma esta! Xa estás convidada!

-pirata-vermelho- disse...

Que bonito! Tudo, da história à estampa.


Quando vieres informa

SurOeste disse...

Hei de ir, hei de ir, non sei cando, pero...
Pirata, aínda teño outra estampa que me escapou misteriosamente do post.

Lúa- Haberlas, hailas... disse...

Que bonito, encasntariame ir a esa terra, mais a miña familia marchou pra Venezuela e non sei como farei pra ires os dous sitios!!!jijijiji Saúde e forza!!

Anónimo disse...

Вот еще немного ссылок на тему, 217 диет для похудения

как можно похудеть - http://bendureow2.narod.ru
как похудеть за неделю - http://lejman7gnv.narod.ru
похудела до и после - http://exthas.t35.com
способы похудеть легко - http://stinchfieldw4d.narod.ru
похудеть 10 кг за неделю - http://ronanguy.t35.com
как похудеть в домашних условиях - http://maconemmanuel.t35.com
как похудела инна - http://mohergnv3.narod.ru
кaк похудeть - http://merriganekt1.narod.ru
как быстр похудеть - http://angel4dlt.narod.ru
похудеем кг - http://asherchadwick.t35.com