Número total de visualizações de páginas

terça-feira, setembro 08, 2009

Celanova era un souto


Foto de Ricardo Orxeira (atopada casualmente na rede e collida sen permiso)
Grazas, Ricardo, non podería atopar nada mellor para ilustrar o post.

Xosé Ramón Barreiro o domingo espetou unha landra. Non lle farán falta moitos coidados porque o fixo en terra fértil, agora só ten que chover e quentar o sol no seu tempo e a landra xermolará e sairá á luz facendo unha graciosa vara que co tempo será un carballo de porte maxestuoso. Foi un xesto fermoso: chantarse firme fronte aos que levan meses afiando os machados para profanar o souto e espetarlles a esperanza dunha landra.

Barreiro dixo que o facía naquel souto sagrado de poetas rebeldes porque era o que lle correspondía a el, como varón asinalado do reino, e porque, como algúns apuntaron despois, xa na idade provecta, pouco pode temer.

Nos alí presentes seique houbo sorpresa e tamén estupor: foran presenciar un novo capítulo do idilio do goberno coa intelectualidade galega e soara unha inesperada labazada xusto ao comezo do baile. Deste xeito, uns aplaudiron a Barreiro postos en pé e outros mirábanse cos ollos moi abertos encolléndose na cadeira.

O presidente seductor, noqueado mais cun sorriso equívoco nos beizos, na súa resposta atívose ao guión inicial e falou de harmonía e de xuntos e anestesiados cara un futuro moi bonito.

Algúns dixeron que preferiu o ton conciliador á confrontación que lle serviran e que a vinganza se serve fría. Eu penso que sabe dicir moi pouca cousa sen guión escrito e que as pernas lle tremeron un pouquiño e poida que sentise ganas de ouriñar cando ordenaba os papeis na palestra.

5 comentários:

Anónimo disse...

así que andiveches pola miña terra? Hai que avisar que un cafeciño se toma.

Por certo o de Barreiro e a RAG é no mellor dos casos, decepcionante.

SurOeste disse...

Home Xis, para unha vez que alguén ben situado reacciona e di o que ten que dicir, hai que facerlle a "ola": ¡¡¡¡¡BArreiiiiiRO!!!!

Anónimo disse...

Vale, concédocho. Pero é que me ten parecido tan lamentables algunhas actitudes que lle tenho manía... Pero si, máis vale tarde que nunca.

Sibila disse...

Cando Feijoo espertou, Barreiro aínda estaba alí.

Anónimo disse...

Pero quen era o dinosaurio? Non serían os dous?