Número total de visualizações de página

domingo, outubro 04, 2009

Tostado do Ribeiro



Modo de facelo: para un litro de tostado precísanse entre sete e oito quilos que uvas pasas, neste caso da caste autóctona de torrontés, que deberán estar ben maduras no momento de ser vendimadas e serán postas a secar durante catro meses, coidando moito de que non as coman os paxaros.

Posoloxía: unha vez ao ano e ao remate da vendima nunha cantidade que en ningún caso debe exceder un dedaliño por persoa.

Propiedades: levanta as paletillas caídas, creea lazos de solidariedade entre as persoas que o beban xuntas e de gratitude co administrador.

Historia: o tostado do Ribeiro era un viño doce resultado dun proceso de fermentación absolutamente natural das uvas deshidratadas. Como parte do proceso de desculturización e desvalorización do propio que padecemos, nas últimas décadas deixou de facerse, en parte polo pouco rentábel que resultaba e en parte porque a ninguén se lle ocorreu sacar proveito económico a un produto único, quintaesencia da uva, estación termo da cultura do viño. A recuperación deste produto pasa pola investigación da memoria oral e a experimentación.

Brindemos!

6 comentários:

Rue Valette disse...

Brindemos pois!

r.r. disse...

¡Convide, carallo!

Ana Bande disse...

iso, un convite ¡xa!

Xis disse...

Coido que fan falla sete veces máis de uva. Unha ruina, seica.

Isto era o que se levaban os ingleses antes de que por mor dun andazo baixasen a porto para apañar viños doces.

Teño un amigo que o pai de 78 anos ten algunha botella e que me deixa beber un chisco, moi adminstrado, cada vez que vou á casa a comer.

Anónimo disse...

De dous ou tres quilos de uvas nada, seis ou sete.

SurOeste disse...

Definitivamente son máis uvas das que puxen, vouno cambiar.