Número total de visualizações de página

segunda-feira, fevereiro 09, 2009

Entre ciclón e ciclón, manifestación

Non me vou poñer agora a discutir os argumentos de Galicia Bilingüe e os seus secuaces, para que? Unicamente quero resaltar que
1.- Os seus argumentos son paupérrimos, contraditorios e denotan unha falta de visión, lecturas e comprensión do mundo e da sociedade preocupantes. Non son capaces de dar un pasiño máis adiante do seu caso particular (yo y mi niño) o cal invalida calquera pretensión de ofrecer unha proposta válida para o resto da sociedade.
2.- A súa postura sitúase claramente á marxe da lei, das leis aprobadas por maiorías democráticas, froito dun consenso que eles acaban de romper porque son incapaces da convivencia cos demais. Isto considero que é moi importante resaltalo: eles rompen as regras do xogo e sitúanse á marxe buscando unha posición de vítimas.
3.- A posición de vítimas facilítanllela os grupos que, coma os de onte, se enfrontan fisicamente a eles. Corina Porro confesaba aos medios que tivera medo, pero, aínda así, arriscou a súa cabeleira rechamante, probábel branco de todos os proxectís, e subiu ao estrado: xa teñen unha vítima propiciatoria, parabéns!
4.- As imaxes de onte tamén deixaron claro algo do que moitos dubidaban: a súa escasa capacidade de mobilización. Eu penso que, se me poño, son perfectamente capaz de convocar 2000 persoas en Santiago. Facemos a proba?

3 comentários:

Anónimo disse...

Non son tan paupérrimos, neniño. Non infravalores ao enemigo. É o xeito máis seguro de ir tomar por o cú.

Galeguzo disse...

Os meus mais sinceros parabéns por este artigo tão cheio de sentidinho (que descobri através de Vieiros, na sua secção do Blogomilho). Nunca é tarde para desmascararmos a Falácia Bilingüe essa.

Saúde e língua.

Anónimo disse...

http://landoa.blogspot.com/2009/02/jaccuse-no-jacuzzi.html